தொடர்ந்து மஞ்சள் விலை, 12 ஆண்டுகளாக பெரிய அளவில் உயரவில்லை. ஈரோடு சந்தையில் ஏழு லட்சம் மஞ்சள் மூட்டைகள் பல ஆண்டுகளாக தேங்கி கிடந்தது. பல விவசாயிகளின் மஞ்சள் உளுத்து மண்ணாகிப் போனது.

உற்பத்தி செலவு அதிகரிப்பு, கட்டுப்படியான விலை கிடைக்காமை, தண்ணீர் பற்றாக்குறை போன்ற காரணங்களால் கடந்த சில ஆண்டுகளாக மஞ்சள் சாகுபடி மிகவும் குறைந்துவிட்டது. பல விவசாயிகள் மஞ்சள் சாகுபடி செய்வதையே நிறுத்தி விட்டனர்.

தற்போது இருப்பு மஞ்சளும் குறைந்துள்ளது. புது மஞ்சள் வரத்தும் குறைந்ததால், 12 ஆண்டுகளுக்கு முன் விற்பனையான, 18,000 ரூபாய்க்கு ஒரு குவின்டால் மஞ்சள் விலை போகிறது. பழைய விலை கிடைக்க விவசாயிகள், 12 ஆண்டுகள் காத்திருந்தனர்.