பல்லடம்; மடத்துக்குளத்தை சேர்ந்தவர் உதயகுமார், 27. சித்தம்பலத்தில், கறிக்கோழி பண்ணை ஒன்றில் டிரைவர். மனைவி பாக்கியலட்சுமி, 20, ஒரு வயது மகளுடன் பல்லடத்தில் வசித்தார். கடந்த, 2024 ஏப்., 24ல், பணி தொடர்பாக, தளவாய்பட்டினம் செல்லும்போது, லாரி, மரத்தில் மோதியதில் உதயகுமார் பலியானார். பாக்கியலட்சுமிக்கு, 1,51,434 ரூபாய் உதவிப் பயன்; 16,110 ரூபாய்க்கான மாதாந்திர ஓய்வூதியத்துக்கான காசோலைகளை, இ.எஸ்.ஐ., கிளை மேலாளர் ராஜா வழங்கினார். காசாளர் ஜெயக்குமார், அலுவலர் சவுந்தரராஜ் உள்ளிட்டோர் பங்கேற்றனர்.