பொருளியல், இயற்பியல், கணக்கு பதிவியல், வேதியியல் தேர்வுகள் எளிதாக இருந்த நிலையில், ஒரு மதிப்பெண், ஐந்து மதிப்பெண் வினாக்களில் மட்டும் ஓரிரு கேள்விகள் கடினமாக இருந்ததாக மாணவர்கள் தெரிவிதத்தனர்.

வரலாறு தேர்வில் மேப், ஐந்து மதிப்பெண் வினா சற்று கடினமாக இருந்தது. சென்டம் மதிப்பெண் எடுப்பதை தவிர்க்க, இவ்வாறு வினாத்தாள் இடம் பெறுவதாக ஆசிரியர்கள் தெரிவித்தனர். இந்நிலையில், இன்று கணிதம், விலங்கியல், வணிகவியல் தேர்வுகள் நடக்கவுள்ளது.

இன்றுடன் பிளஸ் 1 தேர்வுகள் முடிந்து விடைத்தாள்கள் மண்டல அலுவலகத்துக்கும், அங்கிருந்து விடைத்தாள் திருத்தும் மையத்துக்கும் அனுப்பி வைக்கப்படும். ஏப்ரல்., இரண்டாவது வாரம் விடைத்தாள் திருத்தும் பணி முடிந்து, மே 14ல் தேர்வு முடிவுகள் வெளியிடப்பட உள்ளது.