அவ்வகையில், கடந்த, 14ம் தேதி கிராம சாந்தியுடன் பொங்கல் விழா துவங்கியது. இரவு பொட்டு சாமிக்கு பொங்கல் வைத்து, மினி விரட்டும் நிகழ்ச்சி நடந்தது.

அதனைத் தொடர்ந்து, 16ம் தேதி அன்று அம்மனுக்கு கம்பம் நடப்பட்டது. அன்று முதல் தினமும் அதிகாலை, பூவோடு எடுத்து கம்பம் சுற்றி ஆடும் நிகழ்ச்சியும், அம்மனுக்கு சிறப்பு வழிபாடுகளும் நடந்து வந்தது.

நேற்று மாரியம்மன் பொங்கல் விழா மற்றும் மாவிளக்கு ஊர்வலம் விமரிசையாக நடைபெற்றது. கிராம மக்கள் மாவிளக்கு எடுத்து ஊர்வலமாக சென்று, அம்மனை வழிபட்டனர். பொங்கல் வைத்து அம்மனுக்கு படைக்கப்பட்டது. நேற்று மாலை கம்பம், கங்கையில் விடப்பட்டது.இன்று மஞ்சள் நீராட்டு விழாவுடன் பொங்கல் விழா நிறைவடைகிறது.