உடுமலை பெதப்பம்பட்டி அரசு மேல்நிலைப்பள்ளி மாணவர்களுக்கு, கோடை கால ஹாக்கி பயிற்சி முகாம் பள்ளி வளாகத்தில் நடந்தது. பள்ளி தலைமையாசிரியர் கார்த்திகேயன் ஆலோசனைப்படி, 35க்கும் மேற்பட்ட மாணவர்கள் முகாமில் பங்கேற்றனர்.

முகாமில், உடற்தகுதி, அடிப்படை திறன்கள், விளையாட்டு நுணுக்கங்கள், அணி அமைப்பு உள்ளிட்ட பயிற்சிகள் மாணவர்களுக்கு வழங்கப்பட்டது.

முகாம் நிறைவு விழாவில், பள்ளி உதவி தலைமையாசிரியர் திருமூர்த்திராஜன் தலைமை வகித்தார். பெற்றோர் ஆசிரியர் கழகத்தலைவர் துளசிமணி முன்னிலை வகித்தார்.

திருப்பூர் மாவட்ட உடற்கல்வி ஆய்வாளர் மகேந்திரன், விளையாட்டின் முக்கியத்துவம் மற்றும் பயன்கள் குறித்து பேசியதுடன், மாணவர்களுக்கு சிறப்பு பரிசுகளை வழங்கினார்.

முன்னாள் ஹாக்கி வீரர் அண்ணாதுரை நன்றி தெரிவித்தார். ஏற்பாடுகளை உடற்கல்வி ஆசிரியர் செந்தில்குமாரவேல் செய்திருந்தார்.