தமிழக அரசின் புதிய தொழில் முனைவோர் மற்றும் தொழில் நிறுவன மேம்பாட்டு திட்டத்தில், இளைஞர் ஒருவர் 1.86 கோடி ரூபாய் மதிப்பீட்டில், நிட்டிங் நிறுவனம் நடத்தி வருகிறார். இந்நிலையில், கலெக்டர் கிறிஸ்துராஜ் மற்றும் மாவட்ட தொழில் மைய அதிகாரிகள், நிறுவன செயல்பாடுகளை பார்வையிட்டனர்.கலெக்டர் கிறிஸ்துராஜ் கூறுகையில்,'' கடந்த, 2021-22ம் ஆண்டில், 282 நபர்களுக்கு, 95.70 கோடி கடன் வழங்கப்பட்டது. அடுத்த ஆண்டில், 312 நபர்களுக்கு, 129.89 கோடி கடன் வழங்கப்பட்டது. கடந்த ஆண்டில், 451 நபர்களுக்கு, 125.13 கோடி ரூபாய் கடனுதவி வழங்கப்பட்டது. நடப்பு ஆண்டில் இதுவரை, 129 நபர்களுக்கு, 50.42 கோடி கடனுதவி வழங்கப்பட்டுள்ளது. மொத்தம், 1,174 நபர்களுக்கு, 401.14 கோடி ரூபாய் அளவுக்கு தொழில் முனைவோருக்கு கடனுதவி வழங்கியுள்ளோம்,'' என்றார். மாவட்ட தொழில் மைய மேலாளர் கார்த்திகைவாசன், உதவி இயக்குனர் கிரீசன் உடனிருந்தனர்.