நொய்யல் ரோட்டின் அருகே, தென்புறம் பெரிய மழைநீர் கால்வாய் கட்டி, கான்கிரீட் மூடியும் அமைக்கப்பட்டுள்ளது. இருப்பினும், எஸ்.ஆர்., நகருக்கு அடுத்துள்ள சாய ஆலைகளில் இருந்து வெளியேறும் கழிவுநீர் அடிக்கடி நொய்யல் ரோட்டில் தேங்குகிறது. குறிப்பாக, மழை காலங்களில், கழிவுநீர் கால்வாய் அடைப்பு ஏற்பட்டு, ரோட்டில் குளம் போல் தேங்கி நிற்கிறது.

அவ்வழியாக டூ வீலரில் செல்வோர் மீது தெறித்து, சுகாதார சீர்கேடு ஏற்படுகிறது. மாநகராட்சி அதிகாரிகள், கள ஆய்வு மேற்கொண்டு, கழிவுநீர் ரோட்டில் தேங்காதவாறு செல்ல உரிய நடவடிக்கை எடுக்க வேண்டும். குறிப்பாக, சாய ஆலைகளில் இருந்து கழிவுநீர் வெளியேறுவதை தடுக்க, உரிய நடவடிக்கை எடுக்க வேண்டும் என, பொதுமக்கள் வலியுறுத்தியுள்ளனர்.