53 பேருக்கு வேலை கிடைத்தது

திருப்பூர் கலெக்டர் அலுவலக வளாகத்தில் செயல்படும் மாவட்ட வேலைவாய்ப்பு அலுவலகத்தில், தனியார் துறை வேலைவாய்ப்பு முகாம் நேற்று நடைபெற்றது. மாவட்ட வேலைவாய்ப்பு அலுவலர் சுரேஷ் துவக்கிவைத்தார். ஆடை உற்பத்தி, ஜவுளி வர்த்தகம், நகை கடை உள்பட பல்வேறுவகை நிறுவனங்களை சேர்ந்த 29 பேர் பங்கேற்று, தங்கள் நிறுவனத்துக்கு தேவையான தொழிலாளரை தேர்வு செய்தனர். மாவட்டத்தின் பல்வேறு பகுதிகளை சேர்ந்த வேலைதேடுவோர் 94 பேர் முகாமில் பங்கேற்றனர். ஆண்கள் 38 பேர்; பெண்கள் 15 பேர் என, 53 பேர் வேலைக்கு தேர்வு செய்யப்பட்டு, பணிநியமன கடிதம் வழங்கப்பட்டது.