வரும் 24ம் தேதி காலை 4:00 மணிக்கு மகா கணபதி ஹோமத்துடன் துவங்குகிறது. 27ம் தேதி காலை 7:00 மணிக்கு தீர்த்தக்குடம் எடுத்து வருதல், 12:00 மணிக்கு உச்சிகால பூஜை, தொடர்ந்து, கணியான் அழைப்பு, இரவு 8:00 மணிக்கு படைக்கலம் கொண்டு வருதல், அம்மன் அழைத்தல், இரவு 9:00 மணிக்கு சாமிகளுக்கு படையல் பூஜை மற்றும் அலங்கார பூஜை, இரவு 11:00 மணிக்கு மாசாண சுடலை ஈஸ்வரர் மயான வேட்டைக்கு செல்லுதல், ஸ்ரீ சுடலை மகாராஜா கொதிக்கும் சுடுநீரில் குளித்தல் உள்ளிட்ட நிகழ்ச்சிகள் நடக்கின்றன.

பக்தர்களுக்கு அன்னதானம் வழங்கப்படுகிறது.

28ம் தேதி காலை 6:00 மணிக்கு பக்தர்கள் மாவிளக்கு எடுத்து வந்து கோவிலில் பொங்கல் வைத்தல், 12:00 மணிக்கு உச்சி பூஜை தொடர்ந்து வில்லுப்பாட்டு, இரவு 10:00 மணிக்கு கம்பம் கங்கையில் சேர்த்தல் உள்ளிட்ட நிகழ்ச்சிகள் நடக்கின்றன.

விழா ஏற்பாடுகளை கோவில் கமிட்டியினர் மற்றும் ஊர் பொதுமக்கள் செய்து வருகின்றனர்.