வெயிலின் உக்கிரம் வாட்டி வதைக்கும் நிலையில், மக்கள் மரங்களின் நிழல் தேடி அலைகின்றனர். இயற்கையின் இந்த சீற்றம், மரங்களை நட்டு வளர்ப்பதன் அவசியத்தை மக்களுக்கு உணர்த்தியிருக்கிறது. தவிர்க்க முடியாத காரணங்களால் மரங்கள் வெட்டப்பட்டாலும் கூட, மாற்றிடத்தில் அதற்கும் அதிகமான மரக்கன்றுகளை நட வேண்டும் என்ற யோசனை தொடர்ந்து முன்வைக்கப்படுகிறது.

இந்நிலையில், சாலையோரம் அடர்ந்து வளர்ந்துள்ள மரங்களில், விளம்பர பலகைகளை ஆணி அடித்து தொங்க விடும் செயலில் பல நிறுவனங்கள் ஈடுபட்டு வருகின்றன. இது, பசுமை ஆர்வலர்கள் மத்தியில் அதிருப்தியை ஏற்படுத்தியிருக்கிறது.