திருப்பூர்:கோவை, திருப்பூர், ஈரோடு மாவட்டங்களை உள்ளடக்கி, 1,756 கோடி ரூபாய் மதிப்பில், அத்திக்கடவு - அவிநாசி நீர் செறிவூட்டும் திட்டப்பணி நடந்து முடிந்துள்ளது. ஆறு நீரேற்று நிலையங்கள் வாயிலாக, 1,045 குளம் குட்டைகளில் நீர் நிரப்பும் வகையிலான இத்திட்டப்பணி, வெள்ளோட்டம் பார்க்கப்பட்டு, நடைமுறைக்கு தயார் நிலையில் உள்ளது.திட்டம் சார்ந்த பகுதிகளில் உள்ள விவசாயிகள் பெரும் எதிர்பார்ப்பில் உள்ள நிலையில், கடந்தாண்டே திட்டம் பயன்பாட்டுக்கு வரும் என எதிர்பார்க்கப்பட்டது. ஆனால், பல்வேறு காரணங்களால், தாமதமாகிக் கொண்டே இருந்தது.