உழவர் சந்தை, தென்னம்பாளையம் மார்க்கெட்டில் நேற்று கிலோ, 20 முதல், 30 ரூபாய் விலை உயர்ந்து, 130 முதல், 150 ரூபாய்க்கு விற்கப்பட்டது. சில்லறை விலையில் ஒரு எலுமிச்சை பழம், நான்கு முதல் ஆறு ரூபாய் வரையும், தரமாக, பெரியதாக இருந்தால் ஏழு ரூபாய்க்கும் விற்கப்பட்டது.

வியாபாரிகள் சிலர் கூறுகையில், 'வீட்டுக்கு தேவைக்கு ஜூஸ் தயாரிக்க வழக்கமாக வாங்குவதை விட கூடுதலாக வாங்குவதால் விற்பனை அதிகரித்துள்ளது. வெயில் காரணமாக விற்பனை அதிகமாகியிருந்தாலும், பங்குனி மாத பிறப்பு கோவில்களில் குண்டம் திருவிழா, பூச்சாட்டு, பொங்கல், ஆண்டு விழா காரணமாக மொத்தமாக எலுமிச்சை விற்பனையாவது அதிகரித்துள்ளது. ஆகையால், விலை கூடியுள்ளது,' என்றனர்.