தீர்மானங்கள் 'வேஸ்ட்' ஊராட்சிகளில் துாய்மைப் பணியாளர்கள் எண்ணிக்கை குறைவு என்பதால், தினசரி ஒவ்வொரு வீதியாக, வீடாக சென்று குப்பை சேகரிக்கும் அளவுக்கு துாய்மைப் பணியாளர்கள் இல்லை என்பது உண்மை தான். அதேநேரம், குப்பையை தரம் பிரித்து மக்கும் மற்றும் மக்காத குப்பையாக தரம் பிரித்து, மக்கும் குப்பையில் இருந்து உரம், மக்காத குப்பையை மறுசுழற்சிக்கு அனுப்பி வைப்பது போன்ற ஏற்பாடுகளும் இல்லை. ஆனால், ஒவ்வொரு கிராம சபை கூட்டத்திலும், திடக்கழிவு மேலாண்மை பணி நடக்கிறது என்ற போர்வையில், தீர்மானங்கள் நிறைவேற்றப்படுகின்றன; அதை, அரசும் நம்புகிறது. உண்மையில், கிராம ஊராட்சிகளில் திடக்கழிவு மேலாண்மை என்பது, 20 சதவீதம் கூட இல்லை என்பது தான் உண்மை. இதனை மாநில அரசு உணர வேண்டும். - ஊராட்சி நிர்வாகத்தினர்