சேலம் - கோவை இடையே பயணித்த வந்த ஒரே மெமு (மெயின்லைன் எலக்ரிக் மல்டிபல் யூனிட்) ரயில் இது மட்டுமே. இந்த ரயில், சேலத்தில் புறப்பட்டு மகுடஞ்சாவடி, சங்ககிரி, ஈரோடு, விஜயமங்கலம், ஊத்துக்குளி, திருப்பூர் வழியே கோவை செல்லும். சேலம் முதல் கோவை வரை வழியோர அனைத்து ஸ்டேஷன்களில் நின்று சென்றதால், நான்கு மாவட்ட பள்ளி, கல்லுாரி மாணவ, மாணவியர், அலுவலர், பணியாளர் என ஆயிரக்கணக்கானோர் பயனடைந்து வந்தனர்.

தற்போது, பொள்ளாச்சி - பாலக்காடு புதிய மெமு ரயிலுக்கு ஒப்புதல் வழங்கப்பட்டுள்ளது. அதேநேரம், சேலம் - கோவை ரயிலுக்கு ஒப்புதல் வழங்கப்படவில்லை. இதனால், கோவை, ஈரோடு, திருப்பூர், சேலம் ஆகிய நான்கு மாவட்ட பயணிகள் சிரமம் தொடர்கிறது. இது குறித்து, தெற்கு ரயில்வே அதிகாரிகள் பரிசீலித்து, உடனடியாக ஒப்புதல் வழங்க வேண்டும் என, நான்கு மாவட்ட மக்கள் எதிர்பார்க்கின்றனர்.