கலெக்டர் கிறிஸ்துராஜ் கொடியசைத்து துவக்கி வைத்தார். மகளிர் திட்ட இயக்குனர் சாம் சாந்தகுமார், 'டாஸ்மாக்' மாவட்ட மேலாளர் பண்டரிநாதன் உள்பட அதிகாரிகள் பங்கேற்றனர். கரகாட்ட கலைஞர்களின் மேளதாள நடனத்துடன், எல்.ஆர்.ஜி., கல்லுாரி மாணவியர், 'கள்ளச்சாராயத்தால் சாவு நிச்சயம்', உட்பட விழிப்புணர்வு வாசகங்கள் அடங்கிய பதாகைகளை ஏந்தியவாறு ஊர்வலமாக சென்றனர். கலெக்டர் அலுவலக வளாகம் முதல் தென்னம்பாளையம் வரை ஊர்வலமாக சென்று, மக்கள் மத்தியில் விழிப்புணர்வு ஏற்படுத்தப்பட்டது.