இப்பணி காரணமாக கருவம்பாளையம் பகுதியில் ரோடு முழுவதும் மண் பரவிக்கிடக்கிறது. குழாய் பதிப்பு பணி முடிக்கப்படாமல் உள்ளதால், குழிகள் முழுமையாக மூடப்படாமல் மண் கொட்டி மேலோட்டமாக மூடப்பட்டுள்ளது. இதனால், வாகனங்கள் செல்லும் போது இந்த இடங்களில் கடுமையான மண் புழுதி கிளம்பி ரோட்டில் பரவுகிறது.

இதனால், அப்பகுதி பெரும்பாலான நேரங்களில் புகை மண்டலமாக காட்சியளிக்கிறது.இரு சக்கர வாகனங்களில் செல்வோர் இதனால் பெரும் அவதிக்குள்ளாகின்றனர். குழாய் பதிப்பு பணிகள் விரைந்து முடித்து, ரோடு சீரமைக்க வேண்டும்.