திருப்பூர், ஊத்துக்குளி ரோடு, மண்ணரை, சத்யா காலனியை சேர்ந்தவர் சேர்மராஜன். இவரது வீட்டில், பிரம்ம கமலம் வளர்த்து வருகிறார். நேற்று முன்தினம் இரவு, இவரது வீட்டில் இருந்த செடியில், பிரம்ம கமலம் பூ மலர துவங்கியது. இரவு, 8:00 மணிக்கு துவங்கி 11:00 மணிக்கு முழுவதும் மலர்ந்திருந்தது.

வீட்டில் இருந்தவர்கள் காத்திருந்து, மலர் முழுமையாக மலர்ந்ததும், தீபாராதனை செய்து வழிபட்டனர். தொடர்ந்து, நேற்று பிரம்ம கமலம் மலர், திருப்பூர் விஸ்வேஸ்வர சுவாமி கோவிலில் சமர்ப்பிக்கப்பட்டது.

 இதேபோல, அவிநாசி, கைகாட்டிப்புதுாரில் ரேவதி, தி ருப்பூர் - முத்தணம்பாளையம் குமார் தனபாக்கியம், ஊத்துக்குளியில் உள்ள ராமசாமி ஆகியோரின் வீடுகளிலும், பிரம்ம கமலம் பூத்தது. திருவிளக்கேற்றி அனைவரும் வழிபட்டனர். அருகில் வசிப்போரும், பிரம்ம கமலம் பூக் களை பார்த்து, ஆச்சரியம் அடைந்து வணங்கி சென்றனர்.