உடுமலை எஸ்.கே.பி., மேல்நிலைப்பள்ளியில், நடப்பு கல்வியாண்டில் நடந்த முதல் பருவத்தேர்வில் சிறந்த மதிப்பெண் பெற்ற மாணவர்களுக்கு பாராட்டு விழா நடந்தது. விழாவில் பள்ளி செயலாளர் ராதாகிருஷ்ணன் தலைமை வகித்தார்.

பள்ளி தலைமையாசிரியர் சுப்ரமணியம் முன்னிலை வகித்தார். முதல் இடை பருவத்தேர்வில் பிளஸ் 2 வகுப்பில், கணிதம், வணிகவியல், கணக்கு பதிவியல், வரலாறு பாடங்களில் சதம் பெற்ற மாணவர்களை பாராட்டி நினைவு பரிசுகள் வழங்கப்பட்டன. தொடர்ந்து வரும் தேர்வுகளில் சிறப்பான மதிப்பெண் பெறுவதற்கு, ஆசிரியர்கள் ஊக்குவித்தனர். உதவி தலைமையாசிரியர் சேஷநாராயணன் நன்றி தெரிவித்தார்.