உடுமலை சுற்றுப்பகுதிகளில், நேற்று காலை முதலே பரவலாக மழை பெய்தது. நகரில், மதியம் ஒரு மணி நேரத்துக்கும் அதிகமாக மழை நீடித்தது. பஸ் ஸ்டாண்ட் முதல் தளி ரோடு சிக்னல் வரை, மழை நீருடன் கழிவு நீர் கலந்து பெருக்கெடுத்து ஓடியது; தாராபுரம் ரோட்டிலும் பல இடங்களிலும் தண்ணீர் தேங்கியது.

ஒவ்வொரு மழைக்கும் பிரதான ரோடுகளில், கழிவு நீர் பெருக்கெடுத்து ஓடி மக்கள் பாதிப்பது தொடர்கதையாக உள்ளது. நிரந்தர தீர்வாக வடிகால்களை முறையாக துார்வார வேண்டும்.