பள்ளிக்கல்வித்துறையின் சார்பில், திருப்பூர் மாவட்ட அளவில் குறுமையங்களுக்கு இடையிலான 19 வயதுக்குட்பட்ட மாணவர்களுக்கான ஹாக்கிப்போட்டி நடந்தது.

இப்போட்டியின் இறுதி ஆட்டத்தில், மூலனுார் பாரதிவித்யாலயா பள்ளி அணியை, பெதப்பம்பட்டி அரசு மேல்நிலைப்பள்ளி அணி, 3-0 என்ற கோல் கணக்கில் வீழ்த்தி வெற்றி பெற்றுள்ளது.

தொடர்ந்து திருச்சியில் நடக்கும் மாநில அளவிலான போட்டிக்கு, இப்பள்ளி அணி தகுதி பெற்றுள்ளது.

வெற்றி பெற்ற மாணவர்களுக்கு பள்ளி தலைமையாசிரியர் பாபு, உடற்கல்வி ஆசிரியர் செந்தில்குமாரவேல், ஆசிரியர்கள், பள்ளி மேலாண்மைக்குழுவினர் பாராட்டு தெரிவித்தனர்.