திருப்பூர்: திருப்பூர் பழைய பஸ் ஸ்டாண்ட் எதிர்புறமுள்ள கால்நடை மருத்துவமனை வளாகத்தில் உள்ள கால்நடை பல்கலை பயிற்சி மற்றும் ஆராய்ச்சி மையத்தில், கால்நடை வளர்ப்பு தொடர்பான பயிற்சி, அவ்வப்போது வழங்கப்படுகிறது.வரும், 22ம் தேதி, காலை, 9:30 மணிக்கு, லாபகரமான செம்மறி ஆடு மற்றும் வெள்ளாடு வளர்ப்பு தொடர்பான கட்டண பயிற்சியும், வரும், 31ம் தேதி, காலை, 9:30 மணிக்கு, நாட்டுக்கோழி வளர்ப்பு தொடர்பான கட்டணப் பயிற்சியும் வழங்கப்படுகிறது. ஒவ்வொரு பயிற்சியிலும் சேர விருப்பமுள்ளவர்கள், 500 ரூபாய் கட்டணமாக செலுத்த வேண்டும். ஒவ்வொரு பயிற்சியிலும், 30 பேர் மட்டுமே அனுமதிக்கப் படுவர்; முதலில் முன்பதிவு செய்வோருக்கு, முன்னுரிமை வழங்கப்படும்.