இதற்கு தி.மு.க., கூட்டணியில் உள்ள கட்சிகள் உட்பட, எதிர்க்கட்சியினரும் கடும் எதிர்ப்பு தெரிவித்து வருகின்றனர். வரி உயர்த்தப்படுவதற்கு எதிர்ப்பு தெரிவித்து, பூண்டி நகராட்சி, திருப்பூர் மாநகராட்சி பகுதிகளில் மா.கம்யூ., சார்பில் ஆர்ப்பாட்டம் நடத்தப்பட்டது.--சுமை தரும் வரி

அரசின் வரி வருவாயை பெருக்க, வளர்ச்சித்திட்டங்களுக்கு நிதி ஒதுக்க சொத்து வரி, தொழில் வரி உள்ளிட்ட வரியினங்கள் உயர்த்துவது அவசியம் தான்; அதற்கு ஆட்சேபம் தெரிவிக்கவில்லை. ஆனால் ஆண்டுக்கு, 6 சதவீதம் வரி உயர்வு என்பதும், அபராத சாதாரண, நடுத்தர மக்களை, குறிப்பாக, வாடகை வீடுகளில் குடியிருப்போரை வெகுவாக பாதிக்கும். மக்களை வாட்டி வதைக்காத வகையில் வரி உயர்வு இருக்க வேண்டும். உள்ளாட்சி நிர்வாகங்கள், நிதி நெருக்கடியால் உள்ளாட்சிகள் திணறுகின்றன. கேரளாவில் அரசின் மொத்த வருவாயில், 30 சதவீதம் உள்ளாட்சிகளுக்கு ஒதுக்கப்படுகிறது; அத்தகைய நிலை தமிழகத்திலும் வர வேண்டும்.

- சுப்ரமணியம்

பூண்டி நகராட்சி

மா.கம்யூ., கவுன்சிலர்

---

ஏற்புடையது அல்ல...

வரி விதிப்பு உள்ளிட்ட நிர்வாக கட்டமைப்பு, ஆட்சி மாறினாலும், மாறாமல் இருக்க வேண்டும். நாட்டின் வளர்ச்சிக்கு வரி வருவாய் என்பது முக்கியம். 2,3 ஆண்டு இடைவெளியில் சீரான இடைவெளியில் மக்களை வருத்தாத வகையில், வரி உயர்த்த வேண்டும். ஆனால், 10 ஆண்டுகளுக்கும் மேலாக வரி உயர்த்தாமல், ஒட்டு மொத்தமாக மக்களுக்கு பெரும் சுமையை ஏற்படுத்தும் வகையில் வரி உயர்த்துவது ஏற்புடையது அல்ல. இது, அராஜகத்தின் உச்சம் என்று தான் சொல்ல வேண்டும்.

- முருகானந்தம், திருமுருகன்பூண்டி.

--மறுபரிசீலனை அவசியம்

வரி உயர்வு என்பது அவசியம் தான் என்ற போதிலும், தற்போதைய வரி உயர்வு என்பது, பாமர, நடுத்தர மக்களை வெகுவாக பாதிக்கும் வகையில் தான் இருக்கிறது. தற்போதைய மாநில அரசின் தொழில் வரி, சொத்து வரி விதிப்பை, மறு பரிசீலனை செய்ய வேண்டும். அரசியலுக்கு அப்பாற்பட்டு, இந்த விஷயத்தை அணுக வேண்டும். தற்போதைய காலகட்டத்தில் பாமர மக்களின் வாழ்க்கை, கடினமானதாகவே இருக்கிறது. மக்களின் வாழ்வாதரம், வருமானம் என்பது, ஒவ்வொரு மாவட்டத்துக்கு ஏற்ப மாறுபடும். அந்த மாவட்ட மக்களின் சராசரி வருமானத்துக்கு ஏற்ப வரி விதிப்பு செய்ய வேண்டும். இந்த விஷயத்தில் உள்ளாட்சி நிர்வாகங்களுக்கு அதிகாரம் வழங்க வேண்டும்.

- காதர்பாஷா

நுகர்வோர் சங்க தலைவர்

---