திருப்பூர் பின்னலாடை உற்பத்தி நிறுவனங்கள், மத்திய அரசின் சமர்த் திட்டத்தில், தொழிலாளர்களுக்கு திறன் பயிற்சி அளித்துவருகின்றன. திறன் பயிற்சி அளித்துவரும் நிறுவனங்களுக்கு ஊக்கத்தொகை வழங்கும் நிகழ்ச்சி, திருப்பூர் ஏற்றுமதியாளர்கள் சங்க அரங்கில் நடந்தது. 19 பயிற்சி மையத்தினருக்கு, மொத்தம் 1 கோடி ரூபாய்க்கான காசோலை வழங்கப்பட்டது.

பின்னலாடை உற்பத்தி நிறுவனத்தினருக்கு ஊக்கத்தொகைக்கான காகசோலை வழங்கி, திருப்பூர் ஏற்றுமதியாளர் சங்க தலைவர் சுப்பிரமணியன் பேசியதாவது:

திருப்பூரில், சமர்த் திட்டத்தில் தொழிலாளர்களுக்கு திறன் பயிற்சி அளித்துவரும் நிறுவனங்களுக்கு, நான்கு தவணைகளாக இதுவரை, மொத்தம் 3 கோடி ரூபாய் வழங்கப்பட்டுள்ளது. கடந்த மூன்று ஆண்டுகளில், 15 ஆயிரத்து 193 பேர் பயிற்சி பெற்றுள்ளனர். மேலும் 2 ஆயிரத்து 835 பேர் பயிற்சி பெற்றுவருகின்றனர்.

திருப்பூரில் ஒரு லட்சம் பேருக்கு வேலைவாய்ப்புகள் உள்ளன.

இவ்வாறு, அவர் பேசினார்.

ஏற்றுமதியாளர்கள் சங்க பொதுச்செயலாளர் திருக்குமரன், இணைச்செயலாளர் குமார், சமர்த் திட்ட துணைக்குழு தலைவர் சக்திவேல் உள்பட பின்னலாடை துறையினர் பங்கேற்றனர்.

----

'சமர்த்' திட்டத்தின் கீழ் திறன் பயிற்சி அளித்து வரும் நிறுவனத்தினருக்கு ஊக்கத்தொகைக்கான காசோலையை, திருப்பூர் ஏற்றுமதியாளர் சங்க தலைவர் சுப்பிரமணியன் வழங்கினார். அருகில், பொதுச்செயலாளர் திருக்குமரன், இணைச்செயலாளர் குமரன்.