பொங்கலுார்; இருகூரிலிருந்து கரூர் வரை, எரிவாயு குழாய் அமைக்கப்பட்டது. அதே வழியில், நாமக்கல் வரை, 70 கி.மீ., நீளத்துக்கு மீண்டும் ஒரு எரிவாயு குழாய் பதிக்கப்பட உள்ளது. ஏற்கனவே எரிவாயு குழாய் போடப்பட்ட நிலத்தின் மதிப்பு சரிந்ததால், அதனை வாங்க யாரும் தயாரில்லை. எனவே, ஏற்கனவே போடப்பட்ட எரிவாயு குழாயையும் அகற்றி, புதிதாக எரிவாயு குழாய் போடுவதையும் சாலையோரமாக கொண்டு செல்ல வேண்டும் என்று அவிநாசி பாளையத்தில் விவசாயிகள் ஒன்றரை மாதமாக தொடர் காத்திருப்பு போராட்டம் நடத்தி வருகின்றனர்.