இது குறித்து அவர் கூறியதாவது:

ஓடையில், ஏறத்தாழ, 500 யூனிட்டுக்கும் அதிகமான மண் வெட்டி கடத்தப்பட்டுள்ளது. பல்லடம் அருகே, சொந்த விளை நிலத்தில் இருந்து, தனது உறவினரின் விளை நிலத்துக்கு மண் எடுத்துச் சென்ற விவசாயி மீது நடவடிக்கை எடுக்கப்பட்டது. மண் கடத்தப்பட்டது தொடர்பாக அதிகாரிகள் நடவடிக்கை எடுக்காமல் ஏன் என்ற கேள்வி எழுகிறது. எதிர்காலத்தில், ஓடைகளே காணாமல் போகும் அவல நிலை ஏற்பட்டு வருகிறது.

மண் அள்ளி, 15 நாட்கள் ஆகியும் நடவடிக்கை எடுக்காதது ஏன்? ஆளாளுக்கு இப்படியே மண் அள்ளினால் ஓடை என்னவாகும்? உரிய நடவடிக்கை தான் தேவை. இல்லையெனில், விவசாயிகளைத் திரட்டி, வீரபாண்டி வி.ஏ.ஓ., அலுவலகத்தை முற்றுகையிடுவோம்.

இவ்வாறு அவர் கூறினார்.

கரைப்புதுார் வி.ஏ.ஓ., கவுரியிடம், இந்த விவகாரம் குறித்து கேட்டதற்கு, ''மண் எடுக்கப்பட்ட இடம் வீரபாண்டி எல்லைக்கு உட்பட்டது,'' என்று கூறி முடித்தார்.

வீரபாண்டி வி.ஏ.ஓ., சிவசாமியிடம் கேட்டதற்கு, ''மண் எடுத்த இடம், கரைப்புதுார் - வீரபாண்டி என இரு கிராம எல்லைக்கு உட்பட்டது என்பதால், இது தனக்கு வராது. மண் கடத்தியது எனக்கே தெரியவில்லை; ஆர்.ஐ., சொல்லித்தான் தெரியும்,'' என்றார்.