சீனியர் செகண்டரி பள்ளியில் உணவு திருவிழா நடந்தது. பள்ளி தலைவர் சண்முகம், லோகநாயகியம்மாள் ஆகியோர் முன்னிலை வகித்தனர். தாளாளர் மனோகரன் தலைமை தாங்கினார். பெருமாநல்லுார் ரோட்டரி சங்க தலைவர் சசிகாந்த், ரேவதி மருத்துவமனை தலைவர் டாக்டர் ஈஸ்வரமூர்த்தி ஆகியோர் சிறப்பு விருந்தினர்களாக பங்கேற்றனர். பழரசம், வானவில் வண்ணங்களில் சிறுதானிய உணவுகள், சத்தான சிற்றுண்டிகள், சமைத்த - சமைக்காத உணவுகள் உள்ளிட்டவற்றை மாணவர்கள் காட்சிப்படுத்தியிருந்தனர். பள்ளி தலைமை செயல் அதிகாரி சுவஸ்திகா, விழா ஏற்பாடுகளை மேற்கொண்ட முதல்வர், தலைமையாசிரியர், ஒருங்கிணைப்பாளர்கள், ஆசிரியர்கள் உள்ளிட்டோரை பாராட்டினார்.