கொங்கு மெயின் ரோடு முதல் வீதியில், ஏராளமான வீடுகள் உள்ளன; அப்பாச்சி நகர் ரோடு, கொங்குமெயின் ரோட்டை இணைக்கும், முதல் வீதி ரோட்டில், வெளியே இருந்து வருவோர் பணம் கட்டி சீட்டாடுவது அதிகரித்துள்ளது.

பொழுதுபோக்காக, சீட்டு விளையாட துவங்கியது; இன்று, சூதாட்டமாக மாறியுள்ளது. இதுகுறித்து அப்பகுதி மக்கள் கூறுகையில், 'மாலை நேரம் துவங்கி நள்ளிரவு வரையிலும், பணம் கட்டி சீட்டு விளையாடுகின்றனர்.

சிலநேரம் பகலில் இருந்தே சீட்டு விளையாடுகின்றனர். பெண்கள் நடமாட முடியாத அளவுக்கு, கும்பலாக சேர்ந்து சீட்டு விளையாடுகின்றனர்.

இதுகுறித்து கேட்டால், தரக்குறைவாக பேசுகின்றனர். போலீசார், இப்பகுதிக்கு ரோந்து வந்து, கொங்கு நகர் முதல் வீதியில், விதிமுறைகளை மீறி நடக்கும் சூதாட்டத்தை தடுக்க வேண்டும்,' என்றனர்.