பொதுமக்கள் அதிகம் பயன்படுத்தும் பகுதியில் ஊராட்சி நிர்வாகம் குப்பைகளை அள்ளாமல் போட்டு வைத்துள்ளதால் ஈக்கள் மற்றும் கொசுக்கள் உற்பத்தியாகி கடும் சுகாதார சீர்கேடு ஏற்படுகிறது. இதுதவிர, பலவிதமான நோய்த் தொற்றுகள் பரவி வருவதாக அப்பகுதி பொதுமக்கள் புகார் தெரிவித்தனர்.

இது குறித்து, ஊராட்சி தலைவி சுலோச்சனா கூறுகையில், ''கடந்த, 15 நாட்களாக தொடர் மழை மற்றும் ஊழியர் பற்றாக்குறை தீபாவளி பண்டிகை உள்ளிட்ட காரணங்களால் குப்பைகளை சரிவர அள்ள முடியாமல் இருந்தது. விரைவில், அனைத்து பகுதிகளிலும் குப்பைகள் அள்ளப்பட்டு சுத்தம் செய்யப்படும்,'' என்றார்.