ஒரே பள்ளியில் ஆறு அணி தகுதி பள்ளிகல்வித்துறை சார்பில், மாவட்ட மாணவர் பீச் வாலிபால் போட்டி, வித்ய விகாசினி பள்ளியில் நேற்று நடந்தது. மாவட்டத்தின் ஏழு குறுமையங்களில் முதலிடம் பெற்ற பள்ளி அணிகள் பங்கேற்றன. பள்ளி தாளாளர் தர்மலிங்கம் போட்டிகளை துவக்கி வைத்தார். நஞ்சப்பா பள்ளி உடற்கல்வி இயக்குனர் நடராஜன் முன்னிலை வகித்தார். பதிநான்கு வயது பிரிவில், வித்ய விகாசினி பள்ளி அணி, காங்கயம், புனித அமல அன்னை பள்ளி அணிகள் மோதின. 2 - 1 என்ற செட் கணக்கில், வித்ய விகாசினி வெற்றி பெற்றது. 17 மற்றும் 19 வயது பிரிவில், வித்ய விகாசினி பள்ளி அணி வென்றது; 2 - 0 என்ற செட் கணக்கில் உடுமலை ஆக்ஸ்போர்டு மெட்ரிக் பள்ளி இரண்டாமிடம் பெற்றது. நேற்று முன்தினம் மாவட்ட மாணவியர் பீச் வாலிபால் போட்டியில், 14, 17 மற்றும் 19 வயது மூன்று பிரிவையும் கைப்பற்றி, மாநில போட்டிக்கு தகுதி பெற்ற திருப்பூர், காங்கயம் ரோடு, வித்யவிகாசினி பள்ளி அணி, நேற்று நடந்த மாணவர் பிரிவிலும், 14, 17 மற்றும் 19 வயது மூன்று பிரிவையும் கைப்பற்றி, அசத்தியது. இதனால், இப்பள்ளியை சேர்ந்த ஆறு அணிகள் மாநில போட்டிக்கு தகுதி பெற்றன.