திருப்பூர் மாவட்டத்தில், காங்கயம் இன்ஸ்டிடியூட் ஆப் காமர்ஸ், இ.பி.இ.டி., கல்லுாரி வளாகத்தில் நடந்த போட்டியில், ஆறு முதல் எட்டாம் வகுப்பு பிரிவில், மாநிலம் முழுதும் இருந்து, ஆயிரத்துக்கும் அதிகமான மாணவ, மாணவியர் பங்கேற்றனர். மாநில கலைத்திருவிழா போட்டிகளில் முதலிடம் பெற்ற மாணவ, மாணவியருக்கு கலையரசன், கலையரசி விருது வழங்கும் விழா வரும், 24ம் தேதி நடக்கிறது.

சென்னை கோட்டூர்புரம் அண்ணா நுாற்றாண்டு விழா அரங்கில் நடக்கும் நிகழ்வில் திருப்பூர், ஜெய்வாபாய் மாநகராட்சி பெண்கள் மேல்நிலைப்பள்ளி மாணவியர், புல்லாங்குழல் வாசித்தலில் முதலிடம் பெற்ற உடுமலை பள்ளி மாணவி, சிறுபூலுவப்பட்டி மாநகராட்சி நடுநிலைப்பள்ளி மாணவியர் ஒன்பது பேர் உட்பட, 19 பேர் தேர்வாகியுள்ளனர். இவர்கள் சென்னை செல்கின்றனர்.