நேற்று காலை புண்யாக வாசனை, பஞ்சகவ்ய பூஜை, சூரிய கும்ப பூஜை, நான்காம் கால யாக பூஜை நடந்தது. பின், 9:30 மணிக்கு கோபுர விமான கும்பாபிஷேகம், தொடர்ந்து ஸ்ரீ சித்தி விநாயகர், ஸ்ரீ மாகாளி அம்மன் உள்ளிட்ட பரிவார தெய்வங்களுக்கு மகா கும்பாபிஷேகம் நடந்தது. கும்பாபிஷேகத்தை கண்டியன் கோவில் ஆதீனம் சிவசுப்பிரமணிய குருக்கள், தங்கமணி குருக்கள் ஆகியோர் தலைமையிலான குழுவினர் நடத்தி வைத்தனர். தொடர்ந்து தச தரிசனம், மகாதீபம், ஆராதனை நடந்தது. விபூதி பிரசாதம், அன்னதானம் வழங்கப்பட்டது. இதற்கான ஏற்பாடுகளை ஊர் பொதுமக்கள் செய்திருந்தனர்.