கும்பாபிஷேகத்தையொட்டி, நாளை (3ம் தேதி) கிராம சாந்தி பூஜை நடக்கிறது. 4ம் தேதி காலை 9:00 மணிக்கு செட்டிபாளையம், வெங்கடேஸ்வரா நகர் விநாயகர் கோவிலில் இருந்து, பக்தர்கள் முளைப்பாலிகை எடுத்து ஊர்வலமாக வருதல், மதியம் ஒரு மணிக்கு விநாயகர், மாகாளியம்மன் மற்றும் பரிவார தெய்வங்களுக்கு விமான கோபுர கலசங்கள் பிரதிஷ்டை செய்தல், மாலை 3:00 மணிக்கு திருமுருகன்பூண்டிதிருமுருகநாத சுவாமி கோவிலில் இருந்து, தீர்த்த குடம் எடுத்து வருதல், இரவு 9:00 மணிக்கு பவளக்கொடி கும்மியாட்டம் உள்ளிட்ட நிகழ்ச்சிகள் நடக்கிறது.

விழாவில், வரும் 5ம் தேதி இரவு 9:00 மணிக்கு வள்ளி ஒயில் கும்மியாட்டம், 6ம் தேதி இரவு 9:00 மணிக்கு பெருஞ்சலங்கையாட்டம் மற்றும் காராளன் கம்பத்தாட்டம் நடைபெறுகிறது. 7ம் தேதி திங்கட்கிழமை காலை கும்பாபிஷேகத்தை தொடர்ந்து, பக்தர்களுக்கு அன்னதானம் வழங்கப்படுகிறது.

மாலை 5:00 மணிக்கு மாகாளியம்மன் சிம்ம வாகனத்தில் திருவீதி உலா வருதல் உள்ளிட்ட நிகழ்ச்சிகள் நடைப்பெறுகிறது. விழா ஏற்பாடுகளை கோவில் செயல் அலுவலர் வளர்மதி மற்றும் ஊர் பொதுமக்கள் செய்து வருகின்றனர்.