/
உள்ளூர் செய்திகள்
/
திருப்பூர்
/
ரோல்மாடலுக்கு கடிதம்; மாணவியர் ஆர்வம்
/
ரோல்மாடலுக்கு கடிதம்; மாணவியர் ஆர்வம்
ADDED : நவ 30, 2025 05:42 AM

திருப்பூர்: திருப்பூர் ஜெய்வாபாய் மாநகராட்சி பள்ளியில், தபால் துறை சார்பில் கடிதம் எழுதும் போட்டி நடந்தது.
பள்ளி முதல்வர் ஸ்டெல்லா, திருப்பூர் தபால் கோட்ட கண்காணிப்பாளர் பட்டாபிராமன் துவக்கி வைத்தனர். தபால் அதிகாரிகள், ஆசிரியர்கள், தபால்காரர்கள் முன்னிலை வகித்து போட்டியை நடத்தினர். 1500 மாணவியர் பங்கேற்று, 'ரோல்மாடலுக்கு ஒரு கடிதம்' தலைப்பில் தமிழிலும் ஆங்கிலத்திலும் கடிதம் எழுதினர்.
கடிதத்தின் முக்கியத்துவத்தை உணர்த்த, பள்ளி மாணவ, மாணவியரிடம் கடிதம் எழுதும் போட்டியை நடத்த அனைத்து தபால் நிலையத்திற்கும் இந்திய அஞ்சல் துறை அறிவுறுத்தியது. அதன்படி திருப்பூரில் உள்ள பள்ளிகளில் கடிதப்போட்டி நடந்து வருகிறது.
ஒவ்வொரு பள்ளியிலும் தேர்வாகும் ஐந்து சிறந்த கடிதங்கள், கோட்ட அலுவலகத்திற்கு அனுப்பப்படும். அதில் தேர்ந்தெடுக்கப்படும் ஐந்து கடிதங்கள் சென்னை, தபால் வட்ட அலுவலகத்திற்கு அனுப்பப்பட்டு, அதில் சிறந்த மூன்றுக்கு, 25 ஆயிரம், 15 ஆயிரம், 10 ஆயிரம் முறையே முதல் மூன்றுக்கும் பரிசுத்தொகை வழங்கப்படும்.
அவை, மேலும் டில்லி அலுவலகம் வரை சென்று நாடு முழுதும் உள்ள வட்ட அலுவலகங்களில் பெறப்பட்ட கடிதங்களில் மூன்று தேர்ந்தெடுக்கப்பட்டு, 50 ஆயிரம், 25 ஆயிரம் மற்றும் 10 ஆயிரம் முறையே பரிசுத்தொகை வழங்கப்படும்.

