/
உள்ளூர் செய்திகள்
/
திருப்பூர்
/
நிட்சிட்டி வாலிபால்; இன்று இறுதிப்போட்டி
/
நிட்சிட்டி வாலிபால்; இன்று இறுதிப்போட்டி
ADDED : நவ 30, 2025 05:42 AM

திருப்பூர்: திருப்பூர் விளையாட்டு மற்றும் கல்வி அறக்கட்டளை சார்பில், 30வது நிட்சிட்டி வாலிபால் போட்டி, சிறுபூலுவப்பட்டி, டி-செட் மைதானத்தில் நேற்று துவங்கியது.
மாணவர், 17 வயது பிரிவில் 20, 19 வயது பிரிவில், 13 அணிகள் பங்கேற்றன.
மெஜஸ்டிக் எக்ஸ்போர்ட்ஸ் நிர்வாக இயக்குனர் கந்தசாமி போட்டிகளை துவக்கி வைத்தார்.
நாக் - அவுட் முறையில் போட்டிகள் நடந்தன. 17 வயது பிரிவு, முதல் அரையிறுதி போட்டியில் வித்யவிகாசினி பள்ளி அணி, 2 - 0 என்ற செட் கணக்கில், பாண்டியன் நகர் சாரதா வித்யாலயா பள்ளி அணியை வென்றது.
மற்றொரு அரையிறுதி போட்டியில், பிரன்ட்லைன் அகாடமி பள்ளி அணி, 2 - 0 என்ற செட் கணக்கில், அம்மாபாளையம், ஸ்ரீ ராமகிருஷ்ணா வித்யாலயா பள்ளி அணியை வென்றது.
மூன்று மற்றும் நான்காம் இடத்துக்கான போட்டியில், 2 - 0 என்ற செட் கணக்கில் முன்னிலை பெற்ற, அம்மாபாளையம், ஸ்ரீ ராமகிருஷ்ணா வித்யாலயா பள்ளி அணி, மூன்றாமிடத்தை கைப்பற்றியது.
பத்தொன்பது வயது பிரிவு, முதல் அரையிறுதியில், பிரன்ட்லைன் அகாடமி பள்ளி அணி, 2--0 என்ற செட் கணக்கில், ஜெய்சாரதா பள்ளி அணியை வென்றது.
இரண்டாவது அரையிறுதியில், ஆத்துப்பாளையம், ஏ.வி.பி. பள்ளி அணி, 2 - 0 என்ற செட் கணக்கில், வித்ய விகாசினி பள்ளி அணியை வென்றது.
மூன்று மற்றும் நான்காம் இடத்துக்கான போட்டியில், 2 - 0 என்ற செட் கணக்கில் முன்னிலை பெற்ற, வித்ய விகாசினி பள்ளி அணி மூன்றாமிடத்தை கைப்பற்றியது.
இன்று மாணவியருக்கான வாலிபால் போட்டி மற்றும் மாணவர்களுக்கான நிட்சிட்டி வாலிபால் டிராபி இறுதி போட்டி நடக்கிறது.

