ஒருங்கிணைந்த பள்ளிக்கல்வி சார்பில் திட்ட இயக்குனர் அண்ணாதுரை தலைமை வகித்தார். பல்லடம் நகராட்சி தலைவர் கவிதாமணி ராஜேந்திரகுமார் முகாமை துவக்கி வைத்தார். வட்டார கல்வி அலுவலர்கள் சசிகலா, ராமகிருஷ்ணன், மாவட்ட மாற்றுத்திறனாளிகள் ஒருங்கிணைப்பாளர் பாலசுந்தரி ஆகியோர் முன்னிலை வகித்தனர்.

முகாமில், மூளை வளர்ச்சி குறைபாடு, கண், காது, கை, கால் உள்ளிட்ட பாதிப்புகள் உள்ள குழந்தைகள் மாணவர்களுக்கு மருத்துவ பரிசோதனை செய்யப்பட்டது. மொத்தம், 93 மாற்றுத்திறன் மாணவர்கள் முகாமில் பங்கேற்றனர். இதில், 32 பேருக்கு புதிதாக அடையாள அட்டைகள் வழங்கப்பட்டன. ஐந்து மாணவர்களுக்கு இலவச உபகரணங்களும், 50 மாணவர்களுக்கு ரயில் மற்றும் பஸ் பாஸ் ஆகியவை வழங்கப்பட்டன. பல்லடம் வட்டார வளமைய பொறுப்பாளர்கள், பயிற்சி ஆசிரியர்கள் ஆகியோர் முகாமை ஒருங்கிணைத்தனர்.