உடுமலை, குடிமங்கலம் வட்டாரத்தில், கிணற்றுப்பாசனத்துக்கு காய்கறி சாகுபடி அதிகளவு மேற்கொள்கின்றனர். மேலும், முகூர்த்த சீசனை இலக்காக வைத்து, புதினா, கொத்தமல்லி தழை உள்ளிட்ட சாகுபடிகளுக்கு, சிறு, குறு விவசாயிகள் விதைப்பு செய்கின்றனர். இந்த சீசனில் பரவலாக புதினா சாகுபடியாகியுள்ளது.

விவசாயிகள் கூறியதாவது: புதினா சாகுபடியில், மூன்று நாட்களுக்கு ஒரு முறை தண்ணீர் பாய்ச்ச வேண்டும்; 40 - 60 நாட்களில் பறிக்கும் நிலைக்கு இலைகள் தயாராகி விடும். ஏக்கருக்கு, 4 ஆயிரம் முதல் 5 ஆயிரம் கிலோ வரை மகசூல் கிடைக்கும்.

குறைந்த பரப்பிலேயே புதினா சாகுபடி செய்யப்பட்டு வருகிறது. பெரியளவில் நோய்த்தாக்குதல் எதுவும் இருப்பதில்லை. முகூர்த்த சீசனை இலக்காக வைத்து நடவு செய்கிறோம்.

இவ்வாறு, தெரிவித்தனர்.