மேற்குப்பகுதியில் உள்ள உயர்மட்ட பாலத்துடன் எஸ்கலேட்டரை இணைக்கும் பணி இரண்டு மாதங்களாக நடந்த நிலையில், கடந்த மார்ச் மாத துவக்கத்தில் அப்படியே விடப்பட்டது. அவ்வப்போது பொறியியல், மின்பராமரிப்பு குழுவினர் மட்டும் பார்வையிட்டு சென்றனர். ஏப்ரல் மாதம் நிறைவு தருவாயை எட்டிய நிலையில், இரண்டாவது பிளாட்பார்மில் எஸ்கலேட்டர் செயல்பாட்டுக்கு வராமல் உள்ளது.

ரயில்வே அதிகாரிகளிடம் கேட்டபோது, ''மின் இணைப்பு, இயக்கம் உள்ளிட்ட, 95 சதவீத பணி முழுமையாக முடிக்கப்பட்டு, இருமுறை ஒத்திகை பார்க்கப்பட்டுள்ளது. பயணிகள் எஸ்கலேட்டரில் ஏறி இறங்கும் இடம் தரைத்தளம் சீரமைக்க வேண்டியுள்ளது. பணி முடிந்து, மே முதல் வாரத்துக்குள் திறக்கப்பட்டு விடும்'' என்றனர்.