இந்நிலையில் அலகுமலை முத்துக்குமார பாலதண்டாயுதபாணி கோயில் நிலத்துக்கு தடையின்மை சான்று வழங்கியதாக செயல் அலுவலர் சரவணபவன் மீது குற்றச்சாட்டு எழுந்தது.

பக்தர்கள் சார்பில் ஹிந்து சமய அறநிலையத்துறை கமிஷனரகத்துக்கு புகார் அளிக்கப்பட்டது. கோயில் நிலம் என்று கூறப்படும் 11 ஏக்கர் நிலத்துக்கு தங்கள் பெயரில் ரயத்துவாரி பட்டா இருப்பதாக கூறி செயல் அலுவலரிடம் சிலர் தடையின்மை சான்று பெற்றது உறுதி செய்யப்பட்டது.

கோயில் நிலத்துக்கு எவ்வித சான்றிதழும் வழங்க கூடாது என்ற விதிமுறையை மீறி செயல்பட்டதால் செயல் அலுவலர் சரவணபவன் 'சஸ்பெண்ட்' செய்யப்பட்டார்.

இதுகுறித்து ஹிந்து சமய அறநிலையத்துறை உதவி கமிஷனர் ஹர்சினியிடம் கேட்டபோது, ''கோயில் நிலத்துக்கு தடையின்மை சான்று வழங்கிய செயல் அலுவலர் சரவணபவன் சஸ்பெண்ட் செய்யப்பட்டுள்ளார். அலுவலர் மற்றும் பணியாளர்களிடம் விசாரணை நடந்து வருகிறது,''என்றார்.