பள்ளத்தில் விழுந்த பசு மாடு கொம்பு உடைந்தபடி, பலத்த காயமடைந்தது. சத்தம் கேட்டு வந்த மாட்டின் உரிமையாளர், பள்ளத்தில் இருந்து மாட்டை மீட்க முயற்சித்தார். காயமடைந்த மாட்டினால் பள்ளத்திலிருந்து எழ முடியவில்லை. அதிக எடை இருந்ததால், மாட்டை வெளியே எடுப்பதிலும் சிக்கல் ஏற்பட்டது. தீயணைப்பு படை வீரர்கள் வரவழைக்கப்பட்டனர்.

இரண்டு மணி நேர போராட்டத்துக்குப் பின் மீட்கப்பட்ட மாடு, எவ்வித அசைவும் இன்றி கிடந்தது. மாட்டின் வயிற்றை அழுத்தி நாடித்துடிப்பை பார்த்த தீயணைப்பு படை வீரர்கள், மாடு இறந்ததாக கூறினர். இதனை கேட்டு துக்கம் தாங்காத மாட்டின் உரிமையாளர்கள், கதறியழுது அனைவரையும் கலங்க வைத்தது.