பழநி மற்றும் தாராபுரத்தில் இருந்து திருப்பதி பயணித்து வந்த பலர் ஈரோடு, சேலம், தர்மபுரி, கிருஷ்ணகிரி, வேலுார் சென்று அங்கிருந்து திருப்பதிக்கு வேறு ஒரு பஸ்சில் பயணித்து வந்தனர். திருப்பதிக்கு செல்லும் பக்தர்களின் முன்பதிவு அதிகரிப்பதால், கோடை விடுமுறை கூட்டத்தை ஈர்க்க இரண்டரை ஆண்டுகளுக்கு பின் மீண்டும், பழநி - திருப்பதி பஸ் இயக்கம் கடந்த வாரம் அம்மாநில போக்குவரத்து கழகத்தால், துவங்கப்பட்டுள்ளது.

இரவு, 9:00 மணிக்கு பழநியில் புறப்படும் பஸ் தாராபுரம், ஈரோடு, பவானி, மேட்டூர், தர்மபுரி, கிருஷ்ணகிரி, சித்துார் வழியாக மறுநாள் காலை 8:00 மணிக்கு திருமலை திருப்பதி சென்றடைகிறது. பயணி ஒருவருக்கு, கட்டணம், 682 ரூபாய். மறுமார்க்கமாக இதே போல், திருப்பதியில் இரவு, 9:00 மணிக்கு புறப்படும் பஸ் மறுநாள் காலை, 7:00 மணிக்கு பழநி வந்தடைகிறது.

எஸ்.இ.டி.சி.,பஸ் இயக்கப்படுமா?

நம் மாநில எஸ்.இ.டி.சி., (விரைவு போக்குவரத்து கழகம்) மூலம் பழநியில் இருந்து திருப்பதிக்கு பஸ்களை இயக்க வேண்டும் என்று பக்தர்கள் கோரிக்கை விடுக்கின்றனர். இதன் மூலம், போக்குவரத்து கழகம் வருவாயையும் ஈட்ட முடியும்.