திருப்பூர்: திருப்பூர் மாநகராட்சி சந்திப்பு அருகே போக்கு வரத்து இன்ஸ்பெக்டர் ஆனந்தன் தலைமையில் போலீசார் வாகன தணிக்கையில் ஈடுபட்டனர். அவ்வழியாக வந்த டூவீலரில் நம்பர் 'பிளேட்'டில் எண் இல்லாமலும், அதிக சத்தம் எழுப்ப கூடிய சைலன்சரும் பொருத்தப்பட்டு இருந்தது. போக்குவரத்து விதிமீறல் காரணமாக, டூவீலரை நிறுத்தி விசாரித்தனர். அனுப்பர்பாளையத்தில் தங்கி மெக்கானிக் வேலை செய்யும் திருவாரூரை சேர்ந்த அஸ்வின், 22 என்பது தெரிந்தது. விதி மீறல் காரணமாக, ஆயிரம் ரூபாய் அபராதம் விதித்தனர்.