அதில் கூறியிருப்பதாவது: திருப்பூர் மாநகராட்சியில் தரம் பிரிக்கப்பட்ட கழிவுகள், குப்பைகள் போக, மீதமுள்ள குப்பைகளை அறிவியல் முறைப்படி மேலாண்மை செய்ய வேண்டி, பல்லடம் அடுத்த இச்சிப்பட்டி கிராமத்தில் உள்ள பயன்பாடற்ற பாறைக்குழியில் கொட்டி மேலாண்மை செய்ய உத்தரவிடப்பட்டது. இதன்படி, குப்பைகளை எடுத்துச் சென்ற மாநகராட்சி லாரிகளை சிறைபிடித்த அப்பகுதி பெண்கள், பொதுமக்கள் போராட்டத்தில் ஈடுபட்டனர்.

இதேபோல், அப்பகுதியில் குப்பைகள் கொட்டுவதால், விமான பயிற்சிக்கு பாதிப்பு ஏற்படும் என்று, சூலுார் விமானப் படைத்தளத்தில் இருந்து வந்த அலுவலர்களும், குப்பை கொட்டும் அனுமதியை ரத்து செய்ய வலியுறுத்தினர். எனவே, பல்லடம் தாசில்தாரின் அறிக்கையின்படி, இச்சிப்பட்டியில் உள்ள பயன்பாடற்ற பாறைக்குழியில் குப்பைகள் கழிவுகளை கொட்டி மேலாண்மை பணிகளை மேற்கொள்வதற்காக வழங்கப்பட்ட அனுமதியை ரத்து செய்து இதன் மூலம் உத்தரவிடப்படுகிறது. இவ்வாறு அந்த கடிதத்தில் கூறப்பட்டுள்ளது.

இந்த கடிதம், திருப்பூர் மாநகராட்சி கமிஷனர் மற்றும் பல்லடம் தாசில்தார் ஆகியோருக்கு அனுப்பப்பட்டுள்ளது.