சிவன்மலை அடிவாரத்தில் தீ விபத்து

காங்கயம், சிவன்மலை அடிவாரத்தில் உள்ள காடுகளில் புற்கள் அதிகமாக வளர்ந்துள்ளது. தற்போது வெயில் காரணமாக, இந்த புற்கள் காய்ந்த நிலையில் உள்ளது. நேற்று முன்தினம் இரவு திடீரென காட்டுப்பகுதியில் தீ பற்றி எரிந்தது. தகவலறிந்து சென்ற காங்கயம் தீயணைப்பு நிலைய அலுவலர் கார்த்திகேயன் தலைமையிலான வீரர்கள் தீயை அணைத்தனர். யாராவது பற்ற வைத்து சென்றனரா அல்லது புகைப்பிடித்து வீசி சென்றனரா, என காங்கயம் போலீசார் விசாரிக்கின்றனர்.