திருப்பூர் அரசு மருத்துவக் கல்லுாரி மருத்துவமனை முன், மழைநீர் தேங்கி நிற்கிறது; கால்வாயில் அடைப்பும் ஏற்பட்டிருக்கிறது.

இதுகுறித்து, மாநகராட்சிக்கு புகார் கொடுக்கப்பட்ட நிலையில், 'இது, நெடுஞ்சாலைத்துறைக்கு சொந்தமான சாலை' என, கூறியுள்ளனர். நெடுஞ்சாலைத்துறைக்கு புகார் கொடுக்கப்பட்ட நிலையில், 'அது, தேசிய நெடுஞ்சாலைக்கு உட்பட்டது; அவர்களுக்கு புகாரை அனுப்பியுள்ளோம்' என பதில் அளித்துள்ளனர்.

'தினமும், நுாற்றுக்கணக்கில் நோயாளிகள் வந்து செல்லும் மருத்துவமனை முகப்பு பகுதியே இத்தகைய நிலையில் இருப்பது வருத்தமளிக்கிறது,' என்கின்றனர், பொதுமக்கள்.