திருப்பூர்; குடிமை பொருள் வழங்கல் குற்றப்புலனாய்வுத் துறை உத்தரவின் பேரில், பொங்கலுாரில், மாவட்ட குடிமை பொருள் வழங்கல் குற்றப்புலனாய்வு பிரிவு இன்ஸ்பெக்டர் ராஜசேகரன், திருப்பூர் தாசில்தார் (பொறுப்பு) ராகவி உள்ளிட்டோர் திடீர் வாகன சோதனையில் ஈடுபட்டனர்.பல்லடம் - பொங்கலுார் ரோட்டில், வாய்க்கால் மேடு பகுதியில் ஒரு ஆம்னி வேனை நிறுத்தி சோதனை செய்த போது, 1,100 கிலோ ரேஷன் அரிசி கொண்டு வரப்பட்டது தெரிய வந்தது.