மாவட்ட தொழில்மைய உதவி இயக்குனர் தாரிக் பேசியதாவது:

அனைத்து குறு, சிறு, நடுத்தர தொழில்முனைவோரும், தங்கள் நிறுவனங்களை 'உத்யம்' போர்ட்டலில் பதிவு செய்து சான்றுபெற்றுக்கொள்ளவேண்டும். 'உத்யம்' பதிவு செய்தால்தான் மானியங்கள், தொழில் கடன்கள் பெற முடியும். கலைஞர் கைவினை திட்டத்தில், 3 லட்சம் ரூபாய் வரை பிணையமில்லாத கடனுதவி, 50 ஆயிரம் ரூபாய் வரை மானியம், 5 சதவீத வட்டி மானியம் வழங்கப்படுகிறது.

இந்த திட்டத்தில் பயனாளியாக விரும்பும் தொழில்முனைவோர், msmeonline.tn.gov.in என்கிற இணையதளத்தில், விண்ணப்பிக்கவேண்டும். புதிய தொழில்முனைவோர் மற்றும் தொழில் நிறுவன மேம்பாட்டு திட்டம் (நீட்ஸ்), வேலையற்ற இளைஞர்களுக்கான வேலைவாய்ப்பு உருவாக்கும் யு.ஒய்.இ.ஜி.பி., திட்டம், பி.எம்.இ.ஜி.பி., எனப்படும் பிரதமரின் வேலைவாய்ப்பு உருவாக்கும் திட்டம் என, ஏராளமான அரசு திட்டங்கள் உள்ளன. இவ்வாறு, அவர் பேசினார்.