இதனால், பல்லடம் நகரப் பகுதியில், நாளுக்கு நாள் போக்குவரத்து நெரிசல் அதிகரித்து வருகிறது. நெரிசலை குறைக்க, அண்ணா நகர் முதல் பனப்பாளையம் வரை உயர்மட்ட மேம்பாலம் அமைக்க வேண்டும் என்ற கோரிக்கை ஒருபுறம் இருக்க, புறவழிச்சாலை அமைந்தால்தான், நெரிசலுக்கு தீர்வு கிடைக்கும் என்ற பேச்சும் உள்ளது.

பல்லடத்தின் போக்குவரத்து நெரிசலை தவிர்க்க, சில ஆண்டுகளுக்கு முன், கரூர்- - கோவை பசுமைவழிச் சாலை திட்டம் அறிவிக்கப்பட்டது. விவசாயிகளின் எதிர்ப்பால், இத்திட்டம் கிடப்பில் போடப்பட்டது. இதேபோல், காளிவேலம்பட்டி பிரிவு முதல் மாதப்பூர் வரை 'ரிங்' ரோடு அமைக்க, கடந்த ஆட்சியில் திட்டமிடப்பட்டது. இதற்காக நிதி ஒதுக்கீடு செய்யப்பட்டு, நில அளவீடு பணிகளும் நடந்து வந்தன. அதன்பின் ஆட்சி மாற்றம் ஏற்பட்டதால், பணிகள் கைவிடப்பட்டன. இத்திட்டம் தேசிய நெடுஞ்சாலை கட்டுப்பாட்டில் செல்வதாக கூறி, ஒதுக்கப்பட்ட நிதியும் திருப்பி அனுப்பப்பட்டது.

பல்லடத்தில் ஏற்பட்டு வரும் போக்குவரத்துக்கு நெரிசலுக்கு தீர்வு காணும் வகையில், ஏதாவது ஒரு திட்டம் அமல்படுத்தப்படாதா? என, வாகன ஓட்டிகள் பொதுமக்கள் நீண்ட காலமாக எதிர்பார்ப்பில் உள்ளனர். இதற்கிடையே, பசுமைவழிச் சாலை, 'ரிங்' ரோடு திட்டங்கள் கிடப்பில் போடப்பட்ட நிலையில், வெள்ளக்கோவில் முதல் காரணம்பேட்டை வரை, தேசிய நெடுஞ்சாலை, நான்கு வழிச்சாலையாக விரிவாக்கம் செய்யப்பட்டது. இருப்பினும், வாகன நெரிசல் போக்குவரத்து நெரிசல் இன்னும் குறைந்ததாக இல்லை. இவ்வாறு இருக்க, தற்போது, புதிதாக 'ரிங்' ரோடு அமைப்பதற்கான ஆய்வுப் பணிகள் நடந்து வருகின்றன.

நெடுஞ்சாலைத்துறை உதவி கோட்ட பொறியாளர் செந்தில் அரசு கூறுகையில், ''பல்லடம்- - கொச்சி ரோட்டில் இருந்து, மாதப்பூர் வரை, 7.50 கி.மீ., தூரம் 'ரிங்' ரோடு அமைக்க முதல் கட்ட ஆய்வு பணிகள் நடந்து வருகின்றன. வாகனங்களின் எண்ணிக்கை, கையகப்படுத்தப்பட வேண்டிய நிலங்கள் உள்ளிட்ட விவரங்களை சேகரித்து வருகிறோம். ஆய்வுப் பணி முடிந்து ஒப்புதலுக்காக அரசுக்கு அனுப்பி வைக்கப்படும்,'' என்றார்.

---

பல்லடத்தில் 'ரிங்' ரோடு அமைக்க, வாகன கணக்கெடுப்பு தீவிரமாக நடந்து வருகிறது.