திருப்பூர் : ஊத்துக்குளி தாலுகா, செங்கப்பள்ளி அருகே பல்லக்கவுண்டன் பாளையத்தில், கடந்த 6 ம் தேதி, ஈரோடு நோக்கி சென்ற தனியார் பஸ் கவிழ்ந்து விபத்து ஏற்பட்டது. விபத்தில், விருமாண்டம்பாளையம் கிராமம், தில்லை குட்டைபாளையத்தை சேர்ந்த சந்திரன் மகன் பெரியசாமி, 19; சுண்டக்காம்பாளையம், ஊமச்சி வலசை சேர்ந்த செந்தில்குமார் மகன் ஹரிகிருஷ்ணன், 19 ஆகியோர் அதே இடத்தில் பலியாகினர். ஊமச்சி வலசை சேர்ந்த மாரிமுத்து மகன் குருராஜ், 19 என்பவருக்கு மூளைச்சாவு ஏற்பட்டது. இவரது உடல் உறுப்புகள் தானம் செய்யப்பட்டன.