ஆந்திர மாநிலம், அனந்தபூர், புட்டபர்த்தியில் உள்ள ஸ்ரீ சத்ய சாய் பிரசாந்தி நிலையத்துக்கு பலரும் செல்ல ஆயத்தமாகி வருகின்றனர்.

பல்வேறு பகுதியில் இருந்து ஸ்ரீ சத்ய சாய் பிரசாந்தி நிலையம் செல்வோர் வசதிக்காக, திருவனந்தபுரம் வடக்கு - - ஆந்திர மாநிலம், ஸ்ரீ சத்ய சாய் பிரசாந்தி நிலையம் இடையே சிறப்பு ரயில் அறிவிக்கப்பட்டுள்ளது.

இந்த ரயில், நவ. 19 மற்றும் 21ம் தேதி சிறப்பு ரயில் (எண்:06093) மாலை 6:05 மணிக்கு திருவனந்தபுரத்தில் புறப்பட்டு மறுநாள் காலை, 11:00 மணிக்கு ஸ்ரீ சத்ய சாய் பிரசாந்தி நிலையம் சென்று சேரும். நவ. 20 மற்றும், 22ம் தேதி, அதிகாலை, 3:20 மணிக்கு சிறப்பு ரயில் திருப்பூர் வந்து, 3:22 மணிக்கு புறப்படும்.மறுமார்க்கமாக, ஸ்ரீ சத்ய சாய் பிரசாந்தி நிலையம் - திருவனந்தபுரம் வடக்கு இடையே நவ. 20 மற்றும் 22ம் தேதி சிறப்பு ரயில் (எண்:06094) இயங்கும்.

இரவு, 9:00 மணிக்கு புறப்படும் ரயில் மறுநாள், மதியம் 3:15 மணிக்கு திருவனந்தபுரம் வடக்கு ஸ்டேஷன் சென்று சேரும். நவ. 21 மற்றும், 23 ம் தேதி, காலை 6:10 மணிக்கு சிறப்பு ரயில் திருப்பூர் வரும். இவ்விரு இரு சிறப்பு ரயில்களுக்கான முன்பதிவு, இன்று (26ம் தேதி) துவங்குகிறது.

இத்தகவலை தெற்கு ரயில்வே, சேலம் கோட்ட அதிகாரிகள் தெரிவித்தனர்.