பொதுமக்கள் கூறியதாவது: கேத்தனுாரில் உள்ள அரசு துவக்க, மேல்நிலைப் பள்ளிகளில், 2 ஆயிரத்துக்கும் மேற்பட்ட மாணவ, மாணவியர் படிக்கின்றனர். தினமும் காலை மற்றும் மாலை நேரங்களில், பஸ்களில் இறங்கி பள்ளிக்கு வந்து செல்கின்றனர். இவ்வாறு ஆயிரக்கணக்கான மாணவர்கள் நால் ரோட்டை கடந்து செல்வதை வழக்கமாகக் கொண்டுள்ளனர். விபத்து அபாயத்தை கருத்தில் கொண்டு இப்பகுதியில், வேகத்தடைகள் அமைக்கப்பட்டு இருந்தன.

வேகத்தடைகள் தற்போது அகற்றப்பட்டுள்ளதால், விபத்து அபாயம் ஏற்பட்டு வருகிறது. வாகனங்கள் அசுர வேகத்தில் வந்து செல்வதால், அகற்றப்பட்ட வேகத்தடைகளை மீண்டும் அமைக்க வேண்டும். வேகத்தை கட்டுப்படுத்த, தற்காலிகமாக, தடுப்புகளையாவது வைக்க போலீசார் நடவடிக்கை எடுக்க வேண்டும்.